درد جب دسترس چارہ گراں سے نکلا

درد جب دسترس چارہ گراں سے نکلا

حرف انکار محبت کی زباں سے نکلا

زندگانی میں سبھی رنگ تھے محرومی کے

تجھ کو دیکھا تو میں احساس زیاں سے نکلا

سب بہ آسانی مرے خواب کو پڑھ لیتے تھے

پھر تو میں انجمن دل زدگاں سے نکلا

جذبۂ عشق نے جب ایڑیاں اپنی رگڑیں

خاک اڑاتا ہوا اک دشت وہاں سے نکلا

روزن جسم میں اک درد ہوا تھا داخل

آخر آخر میں وہ دروازۂ جاں سے نکلا

مدتوں تک مری تخئیل امیں تھی اس کی

اور اک دن وہ مری حد گماں سے نکلا

dard jab dastaras-e-chara giran se nikla

harf-e-inkar mohabbat ki zaban se nikla

zindagani mein sabhi rang the mahrumi ke

tujh ko dekha to main ehsas-e-ziyan se nikla

sab ba asani mire khwab ko parh lete the

phir to main anjuman-e-dil zadagan se nikla

jazba-e-ishq ne jab eriyan apni ragren

khak urata hua ik dasht wahan se nikla

rauzan-e-jism mein ik dard hua tha dakhil

akhir akhir mein wo darwaza-e-jan se nikla

muddaton tak miri takhil-e-amin thi us ki

aur ik din wo miri had-e-guman se nikla