Arooz is now on the App Store, for iPhone and iPad. Download →

All poetry

حسن کے زیر بار ہو کہ نہ ہو

Ghalib Ayaz (b. 1981)

حسن کے زیر بار ہو کہ نہ ہو

اب یہ دل بے قرار ہو کہ نہ ہو

مرگ انبوہ دیکھ آتے ہیں

آنکھ پھر اشکبار ہو کہ نہ ہو

کرب پیہم سے ہو گیا پتھر

اب یہ سینہ فگار ہو کہ نہ ہو

پھر یہی رت ہو عین ممکن ہے

پر ترا انتظار ہو کہ نہ ہو

شاخ زیتون کے امیں ہیں ہم

شہر میں انتشار ہو کہ نہ ہو

شعر میرے سنبھال کر رکھنا

اب غزل مشکبار ہو کہ نہ ہو