ہوا کرے گا ہر اک لفظ مشکبار اپنا

ہوا کرے گا ہر اک لفظ مشکبار اپنا

ابھی سکوں سے کیے جاؤ انتظار اپنا

اٹھا لیا ہے حلف گرچہ جاں نثاری کا

مجھے سنبھال کہ ہوتا ہوں بار بار اپنا

اداس آنکھ کو ہے انتظار فصل مراد

کبھی تو موسم جاں ہوگا سازگار اپنا

تمہارے در سے اٹھائے گئے ملال نہیں

وہاں تو چھوڑ کے آئے ہیں ہم غبار اپنا

بہت بلند ہوئی جاتی ہے انا کی فصیل

سو ہم بھی تنگ کیے جاتے ہیں حصار اپنا

ہر اک چراغ کو ہے دشمنی ہوا کے ساتھ

بچاری لے کے کہاں جائے انتشار اپنا

hawa karega har ik lafz mushkbar apna

abhi sukun se kiye jao intizar apna

utha liya hai half garche jan nisari ka

mujhe sambhal ke hota hun bar bar apna

udas ankh ko hai intizar-e-fasl-e-murad

kabhi to mausam jan hoga sazgar apna

tumhare dar se uthae gae malal nahin

wahan to chhor ke ae hain ham ghubar apna

bahut buland hui jati hai ana ki fasil

so ham bhi tang kiye jate hain hisar apna

har ik charagh ko hai dushmani hawa ke sath

bichari le ke kahan jae intishar apna