کبھی گمان کبھی اعتبار بن کے رہا

کبھی گمان کبھی اعتبار بن کے رہا

دیار چشم میں وہ انتظار بن کے رہا

ہزار خواب مری ملکیت میں شامل تھے

میں تیرے عشق میں سرمایہ دار بن کے رہا

تمام عمر اسے چاہنا نہ تھا ممکن

کبھی کبھی تو وہ اس دل پہ بار بن کے رہا

اسی کے نام کروں میں تمام عہد خیال

درون جاں جو مرے سوگوار بن کے رہا

اگرچہ شہر میں ممنوع تھی حمایت خواب

مگر یہ دل سبب انتشار بن کے رہا

kabhi guman kabhi etibar ban ke raha

dayar-e-chashm mein wo intizar ban ke raha

hazar khwab miri milkiyyat mein shamil the

main tere ishq mein sarmaya dar ban ke raha

tamam umr use chahna na tha mumkin

kabhi kabhi to wo is dil pe bar ban ke raha

usi ke nam karun main tamam ahd-e-khayal

darun-e-jan jo mire sogwar ban ke raha

agarche shahr mein mamnu thi himayat khwab

magar ye dil-e-sabab intishar ban ke raha