ہے بہت مشکل نکلنا شہر کے بازار میں

ہے بہت مشکل نکلنا شہر کے بازار میں

جب سے جکڑا ہوں میں کمرے کے در و دیوار میں

چھ برس کے بعد اک سونے مکاں کے بام و در

بس گئے ہیں پھر کسی کے جسم کی مہکار میں

مجھ کو اپنے جسم سے باہر نکلنا چاہئے

ورنہ میرا دم گھٹے گا اس اندھیرے غار میں

یاد اسے اک پل بھی کرنے کی مجھے فرصت نہیں

مبتلا صدیوں سے میرا دل ہے جس کے پیار میں

دیکھتے ہیں لوگ جب خاورؔ پرانی آنکھ سے

کیا نظر آئے کوئی خوبی نئے فن کار میں

hai bahut mushkil nikalna shahr ke bazar mein

jab se jakra hun main kamre ke dar-o-diwar mein

chhe baras ke baad ik sone makan ke bam-o-dar

bas gae hain phir kisi ke jism ki mahkar mein

mujh ko apne jism se bahar nikalna chahiye

warna mera dam ghatega is andhere ghar mein

yad use ik pal bhi karne ki mujhe fursat nahin

mubtala sadiyon se mera dil hai jis ke pyar mein

dekhte hain log jab khawar purani ankh se

kya nazar ae koi khubi nae fan kar mein