آگ ہی کاش لگ گئی ہوتی

آگ ہی کاش لگ گئی ہوتی

دو گھڑی کو تو روشنی ہوتی

لوگ ملتے نہ جو نقابوں میں

کوئی صورت نہ اجنبی ہوتی

پوچھتے جس سے اپنا نام ایسی

شہر میں ایک تو گلی ہوتی

بات کوئی کہاں خوشی کی تھی

دل کو کس بات کی خوشی ہوتی

موت جب تیرے اختیار میں ہے

میرے قابو میں زندگی ہوتی

مہک اٹھتا نگر نگر خاورؔ

دل کی خوشبو اگر اڑی ہوتی

ag hi kash lag gai hoti

do ghari ko to raushni hoti

log milte na jo naqabon mein

koi surat na ajnabi hoti

puchhte jis se apna nam aisi

shahr mein ek to gali hoti

bat koi kahan khushi ki thi

dil ko kis bat ki khushi hoti

maut jab tere ikhtiyar mein hai

mere qabu mein zindagi hoti

mahak uthta nagar nagar khawar

dil ki khushbu agar uri hoti