جو شخص مجھ میں باقی ہے وہ مادھویؔ نہیں

جو شخص مجھ میں باقی ہے وہ مادھویؔ نہیں

کچھ سال ہو چکے ہیں خبر آج کی نہیں

تم سے خفا نہیں ہوں یہ عادت ہی ہے میری

جب تک بہت ضروری نہ ہو بولتی نہیں

کہہ تو رہے ہیں بیٹھیے کچھ دیر پاس میں

اور یہ بھی کہہ رہے ہیں جگہ آپ کی نہیں

سادہ مزاج دل پہ چڑھائے تمام رنگ

پھر یہ شکایتیں بھی کہ وہ سادگی نہیں

کیوں رازدار کہہ کے اسے آزمائیں ہم

سو اپنے دل کی بات اسے بھی کہی نہیں

اب بھی نظر بچانے کی پر زور کوششیں

یعنی ابھی میں اس کے لیے اجنبی نہیں

jo shakhs mujh mein baqi hai wo madhwi nahin

kuchh sal ho chuke hain khabar aj ki nahin

tum se khafa nahin hun ye adat hi hai meri

jab tak bahut zaruri na ho bolti nahin

kah to rahe hain baithiye kuchh der pas mein

aur ye bhi kah rahe hain jagah ap ki nahin

sada mizaj-e-dil pe charhae tamam rang

phir ye shikayaten bhi ke wo sadgi nahin

kyun razdar kah ke use azmaen ham

so apne dil ki bat use bhi kahi nahin

ab bhi nazar bachane ki pur zor koshishen

yaani abhi main us ke liye ajnabi nahin