دیوار و در کو اور بھی ویران کر گئے

دیوار و در کو اور بھی ویران کر گئے

وہ سب بچھڑنے والے بچھڑ کر کدھر گئے

ان مشکلوں نے کام یہ آسان کر دیا

کچھ لوگ وقت رہتے ہی دل سے اتر گئے

کانٹا سہی میں شاخ پہ اپنی جگہ تو ہوں

نازک وہ گل تمام ہوا سے بکھر گئے

طاری رہا سکوت مرے گھر میں دیر تک

آوازیں اپنی چھوڑ کے جب دوست گھر گئے

ہر چیز شہر عشق میں مہنگی تھی اس قدر

لوٹ آئے خالی ہاتھ ہی جب جب ادھر گئے

ہم تھے انا پرست سو روکا نہیں اسے

پر اس کے لوٹ آنے کی خواہش میں مر گئے

diwar-o-dar ko aur bhi wiran kar gae

wo sab bichharne wale bichhar kar kidhar gae

in mushkilon ne kam ye asan kar diya

kuchh log waqt rahte hi dil se utar gae

kanta sahi main shakh pe apni jagah to hun

nazuk wo gul tamam hawa se bikhar gae

tari raha sukut mire ghar mein der tak

awazen apni chhor ke jab dost ghar gae

har chiz shahr-e-ishq mein mahngi thi is qadar

laut ae khali hath hi jab jab idhar gae

ham the ana parast so roka nahin use

par us ke laut ane ki khwahish mein mar gae