یہ ہجر میری ذات پہ احسان ہی تو ہے

یہ ہجر میری ذات پہ احسان ہی تو ہے

یہ رونق حیات ترا دھیان ہی تو ہے

کھلنے لگیں گے پھر تری یادوں کے تازہ پھول

اجڑا نہیں ہے دل مرا ویران ہی تو ہے

وہ چاہے مجھ کو دل میں رکھے یا نکال دے

مہمان ہر لحاظ سے مہمان ہی تو ہے

بیٹھی رہو یقین کہ کشتی میں مادھویؔ

اک روز تھم ہی جائے گا طوفان ہی تو ہے

ye hijr meri zat pe ehsan hi to hai

ye raunaq-e-hayat tira dhyan hi to hai

khulne lagenge phir tiri yadon ke taza phul

ujra nahin hai dil mira wiran hi to hai

wo chahe mujh ko dil mein rakhe ya nikal de

mehman har lihaz se mehman hi to hai

baithi raho yaqin ke kashti mein madhwi

ik roz tham hi jaega tufan hi to hai