چھپایا کوئی بھی غم تو چھلک گئیں آنکھیں

چھپایا کوئی بھی غم تو چھلک گئیں آنکھیں

یہ دل تو ہے مرے بس میں مگر نہیں آنکھیں

میں اس کو جاتے ہوئے دیکھتی رہی کچھ دیر

پھر اک مقام پہ مجھ سے بچھڑ گئیں آنکھیں

سجے ہی رہتے ہیں پلکوں پہ کانچ کے موتی

تمہارے غم نے بنا دیں بہت حسیں آنکھیں

اسی امید پہ رقصاں ہے یہ بدن کب سے

کبھی تو دیکھ لیں مجھ کو وہ دل نشیں آنکھیں

chhupaya koi bhi gham to chhalak gain ankhen

ye dil to hai mire bas mein magar nahin ankhen

main us ko jate hue dekhti rahi kuchh der

phir ik maqam pe mujh se bichhar gain ankhen

saje hi rahte hain palkon pe kanch ke moti

tumhare gham ne bana den bahut hasin ankhen

isi umid pe raqsan hai ye badan kab se

kabhi to dekh len mujh ko wo dil nashin ankhen