آدھے ادھورے خواب رکھیں ہیں آنکھوں کی الماری میں

آدھے ادھورے خواب رکھیں ہیں آنکھوں کی الماری میں

جن کو ہم بھی بھول گئے تھے شاید دنیا داری میں

مانا ہر اک شے روٹھی ہے سب نے ہاتھ چھڑائے ہیں

یہ بھی نہیں کم آپ میسر ہیں ایسی دشواری میں

جن کو بھرتے بھرتے ہی میں نے اک عمر گنوا دی ہے

مجھ کو محبت میں وہ زخم ملے تھے پہلی باری میں

اس کی دید کو جھکتی پلکیں اس انداز سے اٹھتی ہیں

جیسے دو نازک کلیاں ہوں کھلنے کی تیاری میں

اس کو دوا سے بھی پہلے شاید امید کی حاجت ہے

جو بھیتر سے ٹوٹ چکا ہے اک لمبی بیماری میں

adhe adhure khwab rakhen hain ankhon ki almari mein

jin ko ham bhi bhul gae the shayad duniya dari mein

mana har ik shai ruthi hai sab ne hath chhurae hain

ye bhi nahin kam ap muyassar hain aisi dushwari mein

jin ko bharte bharte hi main ne ik umr ganwa di hai

mujh ko mohabbat mein wo zakhm mile the pahli bari mein

us ki did ko jhukti palken is andaz se uthti hain

jaise do nazuk kaliyan hun khulne ki tayyari mein

us ko dawa se bhi pahle shayad ummid ki hajat hai

jo bhitar se tut chuka hai ik lambi bimari mein