تمہارے بعد آنکھوں کی گلی میں

تمہارے بعد آنکھوں کی گلی میں

کوئی آتا نہیں ویرانگی میں

مگر وہ زخم میرے سی نہ پایا

بہت مشہور ہے بخیہ گری میں

جئے جاتے اسی کے لطف میں ہم

اگر اک دکھ ہی ہوتا زندگی میں

سناتا جا رہا تھا ہجر کا دکھ

وہ برسوں بعد ملنے کی خوشی میں

وہ الھڑ آئنے سے جھانکتی ہے

بھلا بیٹھی میں جس کو بے دلی میں

تمہیں دل سے کیا رخصت مگر اب

تمہیں تم ہو ہماری شاعری میں

برابر چل رہی ہیں دونوں سوئیاں

ہمارا وقت آئے گا گھڑی میں

tumhare baad ankhon ki gali mein

koi ata nahin wiranagi mein

magar wo zakhm mere si na paya

bahut mashhur hai bakhiya giri mein

jiye jate usi ke lutf mein ham

agar ik dukh hi hota zindagi mein

sunata ja raha tha hijr ka dukh

wo barson baad milne ki khushi mein

wo alhar aine se jhankti hai

bhala baithi mein jis ko be dili mein

tumhen dil se kiya rukhsat magar ab

tumhen tum ho hamari shayari mein

barabar chal rahi hain donon suiyan

hamara waqt aega ghari mein