میں نے آغوش تصور میں تمہیں کیا دیکھا

میں نے آغوش تصور میں تمہیں کیا دیکھا

جگنو چمکا تو میں سمجھا ید بیضا دیکھا

منکشف جب سبب پرسش اعمال ہوا

حشر کو جلوہ گہہ وعدۂ فردا دیکھا

میں نے ہر ماہ دوہفتہ کو بہ وقت پیری

جلوۂ صبح میں کھویا ہوا تارا دیکھا

لے کر انگڑائی اٹھی جب نگہ حسن طلب

ذرے ذرے میں انہیں انجمن آرا دیکھا

آج بھی بیٹھے ہوئے ہیں وہ پس پردۂ حشر

دیکھا اے منتظر وعدۂ فردا دیکھا

میرے نالے ادب آگاہ محبت نہ سہی

آپ نے زخم جگر کیوں بہ تقاضا دیکھا

جب ہوا انجمن گل میں ورود شبنم

مرتسم دل پہ ترا نقش کف پا دیکھا

نبض پر ہاتھ نظر سوئے فلک مہر بلب

چارہ گر خیر تو ہے کچھ تو بتا کیا دیکھا

فیضؔ کیا کیا دل امیں گاہ تصور نہ ہوا

میں نے جب پہلوئے مہتاب میں تارا دیکھا

main ne aghosh-e-tasawwur mein tumhen kya dekha

jugnu chamka to main samjha yad-e-baiza dekha

munkashif jab sabab-e-pursish-e-aamal hua

hashr ko jalwa gah waada-e-farda dekha

main ne har mah dohafta ku ba waqt-e-piri

jalwa-e-subh mein khoya hua tara dekha

le kar angrai uthi jab nigah-e-husn-e-talab

zarre zarre mein unhen anjuman ara dekha

aj bhi baithe hue hain wo pas-e-parda-e-hashr

dekha ai muntazir-e-waada-e-farda dekha

mere nale adab agah mohabbat na sahi

ap ne zakhm-e-jigar kyun ba taqaza dekha

jab hua anjuman-e-gul mein warod-e-shabnam

murtasam dil pe tira naqsh-e-kaf-e-pa dekha

nabz par hath nazar su-e-falak mehr-e-balb

chara gar khair to hai kuchh to bata kya dekha

faiz kya kya dil amin gah tasawwur na hua

main ne jab pahlu-e-mahtab mein tara dekha