وہ مسکرائیں اسیران رنگ و بو کے لئے

وہ مسکرائیں اسیران رنگ و بو کے لئے

شعور چاہئے پھولوں کو آرزو کے لئے

شہید خندۂ گل اے اسیر جلوۂ مہ

نظر کو گرمیٔ دل چاہئے نمو کے لئے

یہ کیا کہا سر محفل نگاہ قاتل نے

مچل رہی ہے ہر اک شے مرے لہو کے لئے

اٹھا کے صحن‌ چمن میں نقاب لالہ و گل

مزے بہارنے تشہیر رنگ و بو کے لئے

فقط نظر کو چراغ رہ طلب نہ سمجھ

ضرور گمشدگی بھی ہے جستجو کے لئے

جبین صبح پہ روشن چراغ طور نہیں

وہ آ گئے ہیں سر بام گفتگو کے لئے

غرور چاک جنوں فیضؔ سرنگوں نہ ہوا

ہزار خار مغیلاں بڑھے رفو کے لئے

wo muskuraen asiran-e-rang-o-bu ke liye

shuur chahiye phulon ko arzu ke liye

shahid-e-khanda-e-gul ai asir-e-jalwa-e-mah

nazar ko garmi-e-dil chahiye numu ke liye

ye kya kaha sar-e-mahfil nigah-e-qatil ne

machal rahi hai har ik shai mire lahu ke liye

utha ke sehn-e-chaman mein naqab-e-lala-o-gul

maze baarne tashhir rang-o-bu ke liye

faqat nazar ko charagh-e-rah-e-talab na samajh

zarur gumshudagi bhi hai justuju ke liye

jabin-e-subh pe raushan charagh-e-tur nahin

wo a gae hain sar-e-bam guftugu ke liye

ghurur-e-chak-e-junun faiz sarnigun na hua

hazar khar-e-mughilan barhe rafu ke liye