کسی بھی رہنمائی کا کوئی دعویٰ نہیں کرتے

کسی بھی رہنمائی کا کوئی دعویٰ نہیں کرتے

ہماری چاہتوں نے تو بڑے اقرار دیکھے ہیں

کسی انکار پر ہم دل کبھی چھوٹا نہیں کرتے

سرابوں کی حقیقت سے بہت اچھے سے واقف ہیں

کبھی بھی خواب کا ہم دن میں تو پیچھا نہیں کرتے

یہاں ہر شے کی قیمت بس محبت ہی محبت ہے

فقیروں سے کبھی جذبات کا سودا نہیں کرتے

مسلسل حادثوں نے یہ بھی شفقت چھین لی ہم سے

کوئی جب چھوڑ جاتا ہے تو ہم سوچا نہیں کرتے

کبھی پھر ہجرتوں کا ان کے من سے ڈر نہ نکلے گا

پرندے سو رہے ہوں جب شجر کاٹا نہیں کرتے

سجے بازار میں بک جائیں یہ لالچ تو ہے واحدؔ

مگر انعام کی خاطر سخن ہلکا نہیں کرتے

kisi bhi rahnumai ka koi daawa nahin karte

hamari chahaton ne to bare iqrar dekhe hain

kisi inkar par ham dil kabhi chhota nahin karte

sarabon ki haqiqat se bahut achchhe se waqif hain

kabhi bhi khwab ka ham din mein to pichha nahin karte

yahan har shai ki qimat bas mohabbat hi mohabbat hai

faqiron se kabhi jazbat ka sauda nahin karte

musalsal hadson ne ye bhi shafqat chhin li ham se

koi jab chhor jata hai to ham socha nahin karte

kabhi phir hijraton ka un ke man se dar na niklega

parinde so rahe hun jab shajar kata nahin karte

saje bazar mein bik jaen ye lalach to hai wahid

magar inam ki khatir sukhan halka nahin karte