قلم سے نکلے یا میرے خیال سے نکلے

قلم سے نکلے یا میرے خیال سے نکلے

کوئی جواب تو اب اس سوال سے نکلے

بہت کٹھن تھا بلندی پہ اتنا رہ پانا

خدا کا شکر کہ ہم اس کمال سے نکلے

مرے ہنر پہ بہت قرض ہے ترا ہمدم

تمام شعر تمہارے خیال سے نکلے

میں اور اس سے زیادہ بھی کیا گروں واحدؔ

کوئی عروج تو اب اس زوال سے نکلے

qalam se nikle ya mere khayal se nikle

koi jawab to ab is sawal se nikle

bahut kathin tha bulandi pe itna rah pana

khuda ka shukr ke ham is kamal se nikle

mire hunar pe bahut qarz hai tira hamdam

tamam sher tumhare khayal se nikle

main aur is se ziyada bhi kya girun wahid

koi uruj to ab is zawal se nikle