سوچتے رہنا شب غم میں اضافت کرنا

سوچتے رہنا شب غم میں اضافت کرنا

ہے دیا بن کے ہواؤں سے محبت کرنا

ہم کو اس میں بھی زیارت کا مزہ ملتا ہے

بیٹھے رہنا ترے چہرے کی تلاوت کرنا

اس کی فرقت میں خود اپنے میں میں کھو جاتا ہوں

اس کو کہتے ہیں امانت میں خیانت کرنا

حسن جاناں پہ کچھ ایسی تھی جوانی آئی

پڑ گیا ہم کو رفیقوں سے رقابت کرنا

ہم نے پائی ہے وراثت میں یہ عادت واحدؔ

اس زمانے میں بھی لوگوں سے محبت کرنا

sochte rahna shab-e-gham mein izafat karna

hai diya ban ke hawaon se mohabbat karna

ham ko is mein bhi ziyarat ka maza milta hai

baithe rahna tire chehre ki tilawat karna

us ki furqat mein khud apne mein main kho jata hun

us ko kahte hain amanat mein khayanat karna

husn janan pe kuchh aisi thi jawani ai

par gaya ham ko rafiqon se raqabat karna

ham ne pai hai wirasat mein ye adat wahid

is zamane mein bhi logon se mohabbat karna