اس دور کے آقاؤں کی عادت نہیں بدلی

اس دور کے آقاؤں کی عادت نہیں بدلی

ہم جیسے فقیروں کی بھی فطرت نہیں بدلی

مسجد بھی گئے اور شوالہ بھی گئے ہم

اس دل نے مگر تیری عبادت نہیں بدلی

تدبیر سے تقدیر نے پائی ہے بلندی

ہاتھوں کی لکیروں سے تو قسمت نہیں بدلی

صدیوں سے اسے دیکھ رہا ہے یہ زمانہ

کیا بات ہے آئینے کی صورت نہیں بدلی

میلے میں کہیں کھو گئے ہیں پھول سے بچے

لیکن ابھی ماں باپ کی رنگت نہیں بدلی

is daur ke aqaon ki adat nahin badli

ham jaise faqiron ki bhi fitrat nahin badli

masjid bhi gae aur shoala bhi gae ham

is dil ne magar teri ibadat nahin badli

tadbir se taqdir ne pai hai bulandi

hathon ki lakiron se to qismat nahin badli

sadiyon se use dekh raha hai ye zamana

kya bat hai aine ki surat nahin badli

mele mein kahin kho gae hain phul se bachche

lekin abhi man bap ki rangat nahin badli