رخ حیات نکھرتا ہے حادثات کے بعد

رخ حیات نکھرتا ہے حادثات کے بعد

خوشی کی صبح بھی آئے گی غم کی رات کے بعد

بس اس خطا پہ ہیں میرے خلاف سارے لوگ

مرا یقین خدا پر ہے اپنی ذات کے بعد

مری طرف نگہ مہر یوں ہی رہنے دے

ستم نہ کر میری ہستی پہ التفات کے بعد

ہزار طرح کے الزام دیں گے لوگ تجھے

پڑیں گے سب ترے چہرے کو تیری بات کے بعد

وفا کے نقش مٹانے سے مٹ نہیں سکتے

میں یاد آؤں گا ترک تعلقات کے بعد

صباؔ نصیب مجھے دو جہاں کی دولت ہے

جہان درد ملا دل کی کائنات کے بعد

rukh-e-hayat nikharta hai hadsat ke baad

khushi ki subh bhi aegi gham ki rat ke baad

bas is khata pe hain mere khilaf sare log

mira yaqin khuda par hai apni zat ke baad

miri taraf nigah-e-mehr yun hi rahne de

sitam na kar meri hasti pe iltifat ke baad

hazar tarah ke ilzam denge log tujhe

parenge sab tire chehre ko teri bat ke baad

wafa ke naqsh mitane se mit nahin sakte

main yad aunga tark-e-taalluqat ke baad

saba nasib mujhe do jahan ki daulat hai

jahan-e-dard mila dil ki kainat ke baad