موسم ہرا بھرا ہے یہ منظر بھی دیکھ لے

موسم ہرا بھرا ہے یہ منظر بھی دیکھ لے

کچھ دیر تازگی میں سنور کر بھی دیکھ لے

سچ بات کہنے کے لئے اپنی زباں تو کھول

پھر کس طرف سے آتے ہیں پتھر بھی دیکھ لے

مانا کہ تشنگی کسی صحرا کی دین ہے

فیاض کس قدر ہے سمندر بھی دیکھ لے

تو نے بلا کی دھوپ میں کاٹی تمام عمر

اب سرد شب کی اوڑھ کے چادر بھی دیکھ لے

دنیا کو تو نے دیکھا ہے کھڑکی سے جھانک کر

اک روز اپنے گھر سے نکل کر بھی دیکھ لے

کانٹوں کا تاج سر پہ لئے کیوں صلیب پر

ہے آزمائشوں میں پیمبر بھی دیکھ لے

نام صباؔ ہتھیلی پہ اپنی کبھی سجا

تاکہ زمانہ اس کا مقدر بھی دیکھ لے

mausam hara bhara hai ye manzar bhi dekh le

kuchh der tazgi mein sanwar kar bhi dekh le

sach bat kahne ke liye apni zaban to khol

phir kis taraf se ate hain patthar bhi dekh le

mana ke tishnagi kisi sahra ki din hai

fayyaz kis qadar hai samundar bhi dekh le

tu ne bala ki dhup mein kati tamam umr

ab sard shab ki orh ke chadar bhi dekh le

duniya ko tu ne dekha hai khirki se jhank kar

ik roz apne ghar se nikal kar bhi dekh le

kanton ka taj-e-sar pe liye kyun salib par

hai azmaishon mein payambar bhi dekh le

nam-e-saba hatheli pe apni kabhi saja

take zamana us ka muqaddar bhi dekh le