جانے تو کیا ڈھونڈ رہا ہے بستی میں ویرانے میں

جانے تو کیا ڈھونڈ رہا ہے بستی میں ویرانے میں

لیلیٰ تو اے قیس ملے گی دل کے دولت خانے میں

جنم جنم کے ساتوں دکھ ہیں اس کے ماتھے پر تحریر

اپنا آپ مٹانا ہوگا یہ تحریر مٹانے میں

محفل میں اس شخص کے ہوتے کیف کہاں سے آتا ہے

پیمانے سے آنکھوں میں یا آنکھوں سے پیمانے میں

کس کا کس کا حال سنایا تو نے اے افسانہ گو

ہم نے ایک تجھی کو ڈھونڈا اس سارے افسانے میں

اس بستی میں اتنے گھر تھے اتنے چہرے اتنے لوگ

اور کسی کے در پہ نہ پہنچا ایسا ہوش دوانے میں

jane to kya dhund raha hai basti mein wirane mein

laila to ai qais milegi dil ke daulat khane mein

janam janam ke saton dukh hain us ke mathe par tahrir

apna ap mitana hoga ye tahrir mitane mein

mahfil mein us shakhs ke hote kaif kahan se ata hai

paimane se ankhon mein ya ankhon se paimane mein

kis ka kis ka hal sunaya tu ne ai afsana go

ham ne ek tujhi ko dhunda is sare afsane mein

is basti mein itne ghar the itne chehre itne log

aur kisi ke dar pe na pahuncha aisa hosh diwane mein