اس شام وہ رخصت کا سماں یاد رہے گا

اس شام وہ رخصت کا سماں یاد رہے گا

وہ شہر وہ کوچہ وہ مکاں یاد رہے گا

وہ ٹیس کہ ابھری تھی ادھر یاد رہے گی

وہ درد کہ اٹھا تھا یہاں یاد رہے گا

ہم شوق کے شعلے کی لپک بھول بھی جائیں

وہ شمع فسردہ کا دھواں یاد رہے گا

ہاں بزم شبانہ میں ہمہ شوق جو اس دن

ہم تھے تری جانب نگراں یاد رہے گا

کچھ میرؔ کے ابیات تھے کچھ فیضؔ کے مصرعے

اک درد کا تھا جن میں بیاں یاد رہے گا

آنکھوں میں سلگتی ہوئی وحشت کے جلو میں

وہ حیرت و حسرت کا جہاں یاد رہے گا

جاں بخش سی اس برگ گل تر کی تراوت

وہ لمس عزیز دو جہاں یاد رہے گا

ہم بھول سکے ہیں نہ تجھے بھول سکیں گے

تو یاد رہے گا ہمیں ہاں یاد رہے گا

us sham wo rukhsat ka saman yad rahega

wo shahr wo kucha wo makan yad rahega

wo tis ke ubhri thi idhar yad rahegi

wo dard ke utha tha yahan yad rahega

ham shauq ke shole ki lapak bhul bhi jaen

wo shama fasurda ka dhuan yad rahega

han bazm-e-shabana mein hama shauq jo us din

ham the tiri janib nigaran yad rahega

kuchh mir ke abyat the kuchh faiz ke misre

ik dard ka tha jin mein bayan yad rahega

ankhon mein sulagti hui wahshat ke jilau mein

wo hairat-o-hasrat ka jahan yad rahega

jan bakhsh si is barg-e-gul tar ki tarawat

wo lams aziz do jahan yad rahega

ham bhul sake hain na tujhe bhul sakenge

tu yad rahega hamen han yad rahega