اپنے ہم راہ جو آتے ہو ادھر سے پہلے

اپنے ہم راہ جو آتے ہو ادھر سے پہلے

دشت پڑتا ہے میاں عشق میں گھر سے پہلے

چل دیے اٹھ کے سوئے شہر وفا کوئے حبیب

پوچھ لینا تھا کسی خاک بسر سے پہلے

عشق پہلے بھی کیا ہجر کا غم بھی دیکھا

اتنے تڑپے ہیں نہ گھبرائے نہ ترسے پہلے

جی بہلتا ہی نہیں اب کوئی ساعت کوئی پل

رات ڈھلتی ہی نہیں چار پہر سے پہلے

ہم کسی در پہ نہ ٹھٹکے نہ کہیں دستک دی

سیکڑوں در تھے مری جاں ترے در سے پہلے

چاند سے آنکھ ملی جی کا اجالا جاگا

ہم کو سو بار ہوئی صبح سحر سے پہلے

apne ham rah jo ate ho idhar se pahle

dasht parta hai miyan ishq mein ghar se pahle

chal diye uth ke su-e-shahr-e-wafa ku-e-habib

puchh lena tha kisi khak basar se pahle

ishq pahle bhi kiya hijr ka gham bhi dekha

itne tarpe hain na ghabrae na tarse pahle

ji bahalta hi nahin ab koi saat koi pal

rat dhalti hi nahin char pahar se pahle

ham kisi dar pe na thitke na kahin dastak di

saikron dar the miri jan tire dar se pahle

chand se ankh mili ji ka ujala jaga

ham ko sau bar hui subh sahar se pahle