سب کو دل کے داغ دکھائے ایک تجھی کو دکھا نہ سکے

سب کو دل کے داغ دکھائے ایک تجھی کو دکھا نہ سکے

تیرا دامن دور نہیں تھا ہاتھ ہمیں پھیلا نہ سکے

تو اے دوست کہاں لے آیا چہرہ یہ خورشید مثال

سینے میں آباد کریں گے آنکھوں میں تو سما نہ سکے

نا تجھ سے کچھ ہم کو نسبت نا تجھ کو کچھ ہم سے کام

ہم کو یہ معلوم تھا لیکن دل کو یہ سمجھا نہ سکے

اب تجھ سے کس منہ سے کہہ دیں سات سمندر پار نہ جا

بیچ کی اک دیوار بھی ہم تو پھاند نہ پائے ڈھا نہ سکے

من پاپی کی اجڑی کھیتی سوکھی کی سوکھی ہی رہی

امڈے بادل گرجے بادل بوندیں دو برسا نہ سکے

sab ko dil ke dagh dikhae ek tujhi ko dikha na sake

tera daman dur nahin tha hath hamen phaila na sake

tu ai dost kahan le aya chehra ye khurshid misal

sine mein abad karenge ankhon mein to sama na sake

na tujh se kuchh ham ko nisbat na tujh ko kuchh ham se kam

ham ko ye maalum tha lekin dil ko ye samjha na sake

ab tujh se kis munh se kah den sat samundar par na ja

bich ki ik diwar bhi ham to phand na pae dha na sake

man papi ki ujri kheti sukhi ki sukhi hi rahi

umde badal garje badal bunden do barsa na sake