راز کہاں تک راز رہے گا منظر عام پہ آئے گا

راز کہاں تک راز رہے گا منظر عام پہ آئے گا

جی کا داغ اجاگر ہو کر سورج کو شرمائے گا

شہروں کو ویران کرے گا اپنی آنچ کی تیزی سے

ویرانوں میں مست البیلے وحشی پھول کھلائے گا

ہاں یہی شخص گداز اور نازک ہونٹوں پر مسکان لیے

اے دل اپنے ہاتھ لگاتے پتھر کا بن جائے گا

دیدہ و دل نے درد کی اپنے بات بھی کی تو کس سے کی

وہ تو درد کا بانی ٹھہرا وہ کیا درد بٹائے گا

تیرا نور ظہور سلامت اک دن تجھ پر ماہ تمام

چاند نگر کا رہنے والا چاند نگر لکھ جائے گا

raz kahan tak raz rahega manzar am pe aega

ji ka dagh ujagar ho kar suraj ko sharmaega

shahron ko wiran karega apni anch ki tezi se

wiranon mein mast albele wahshi phul khilaega

han yahi shakhs gudaz aur nazuk honton par muskan liye

ai dil apne hath lagate patthar ka ban jaega

dida-o-dil ne dard ki apne bat bhi ki to kis se ki

wo to dard ka bani thahra wo kya dard bataega

tera nur-e-zuhur salamat ik din tujh par mah-e-tamam

chand nagar ka rahne wala chand nagar likh jaega