رنج و غم لاکھ ہوں مسکراتے رہو

رنج و غم لاکھ ہوں مسکراتے رہو

دوست دشمن سے ملتے ملاتے رہو

یہ اندھیرے ہیں مہمان اک رات کے

تم مگر صبح تک جگمگاتے رہو

میں بھلانے کی کوشش کروں گا تمہیں

تم مجھے روز و شب یاد آتے رہو

راہ کے پیچ و خم خود سلجھ جائیں گے

سوئے منزل قدم کو بڑھاتے رہو

ابر بن کر برستے رہو ہر طرف

عمر شادابیوں کی بڑھاتے رہو

موت آئے تو خاموش کر جائے گی

زندگی گیت ہے اس کو گاتے رہو

تازہ دم مجھ کو رکھنا ہے حافظؔ تو پھر

ہر قدم پر مجھے آزماتے رہو

ranj-o-gham lakh hun muskurate raho

dost dushman se milte milate raho

ye andhere hain mehman ik rat ke

tum magar subh tak jagmagate raho

main bhulane ki koshish karunga tumhen

tum mujhe roz-o-shab yad ate raho

rah ke pech-o-kham khud sulajh jaenge

su-e-manzil qadam ko barhate raho

abr ban kar baraste raho har taraf

umr shadabiyon ki barhate raho

maut ae to khamosh kar jaegi

zindagi git hai us ko gate raho

taza dam mujh ko rakhna hai hafiz to phir

har qadam par mujhe azmate raho