امنگیں دل میں ہوں صحرا بھی عالیشان لگتا ہے

امنگیں دل میں ہوں صحرا بھی عالیشان لگتا ہے

بجھے دل کو سجی محفل کا در ویران لگتا ہے

ہو کوئی ہم سفر ایسا جو دل کو ہم نفس گزرے

اسی حسرت پہ ہر لمحہ مجھے قربان لگتا ہے

یقیناً ہے خبر میں آج رب کی بے زباں دنیا

مگر انسان کل کی فکر کا سامان لگتا ہے

فضا میں یوں تکلف ہے ہوا میں یوں ہے بیداری

کہ دل ایوان ہستی میں فقط مہمان لگتا ہے

کھلی کھڑکی سے دانشؔ امن کے اخبار روزانہ

یہ منظر اب کسی فردوس کا عنوان لگتا ہے

umangen dil mein hun sahra bhi alishan lagta hai

bujhe dil ko saji mahfil ka dar wiran lagta hai

ho koi ham safar aisa jo dil ko ham nafas guzre

isi hasrat pe har lamha mujhe qurban lagta hai

yaqinan hai khabar mein aj rab ki be zaban duniya

magar insan kal ki fikr ka saman lagta hai

faza mein yun takalluf hai hawa mein yun hai bedari

ke dil aiwan-e-hasti mein faqat mehman lagta hai

khuli khirki se danish amn ke akhbar rozana

ye manzar ab kisi firdaus ka unwan lagta hai