پردوں سے گھر کے راز چھپائے گا کیا کوئی

پردوں سے گھر کے راز چھپائے گا کیا کوئی

پھولوں سے گھر کا روپ کھلائے گا کیا کوئی

مشکل سے گھر کی بند ہوا پر ہے اختیار

باہر ہوا کو راہ دکھائے گا کیا کوئی

محنت سے تھک کے چور گناہوں کی بھیڑ کو

اچھے برے کا فرق سکھائے گا کیا کوئی

بازار اب ہے زیست کی روح رواں مگر

آب و ہوا کے دام لگائے گا کیا کوئی

ہر قسم کی شراب میسر ہوئی تو کیا

پانی سے بڑھ کے پیاس بجھائے گا کیا کوئی

آگے نکل چکی ہے حیا سے نظر کی بات

دانشؔ کسی سے آنکھ ملائے گا کیا کوئی

pardon se ghar ke raz chhupaega kya koi

phulon se ghar ka rup khilaega kya koi

mushkil se ghar ki band hawa par hai ikhtiyar

bahar hawa ko rah dikhaega kya koi

mehnat se thak ke chur gunahon ki bhir ko

achchhe bure ka farq sikhaega kya koi

bazar ab hai zist ki ruh-e-rawan magar

ab-o-hawa ke dam lagaega kya koi

har qism ki sharab muyassar hui to kya

pani se barh ke pyas bujhaega kya koi

age nikal chuki hai haya se nazar ki bat

danish kisi se ankh milaega kya koi