ہر ذرہ چمن زار کی زینت کا سبب ہے

ہر ذرہ چمن زار کی زینت کا سبب ہے

محفل میں چمن زار کی ہر شے کا ادب ہے

اک عمر بدستور گزر جائے تو بہتر

گو دل میں بدستور ٹھہرنے کی طلب ہے

کچھ یوں ہے مقدر کی حقیقت کہ جہاں میں

ظلمت ہے کہیں دن میں کہیں نور کی شب ہے

ہر چیز میں تعمیل خرد کی نہ ہو لیکن

ہر چیز پہ اس چیز کا دعویٰ تو عجب ہے

رکھنے کو تبدل کا بھرم مڑ کے جو دیکھا

ویسی ہی تھی دنیا مری جیسی کہ وہ اب ہے

دنیا نہ ہو فردوس پر اتنا تو ہے دانشؔ

جیسی بھی ہے دنیا مری ہستی کا سبب ہے

har zarra chaman zar ki zinat ka sabab hai

mahfil mein chaman zar ki har shai ka adab hai

ik umr badastur guzar jae to behtar

go dil mein badastur thaharne ki talab hai

kuchh yun hai muqaddar ki haqiqat ke jahan mein

zulmat hai kahin din mein kahin nur ki shab hai

har chiz mein taamil khirad ki na ho lekin

har chiz pe is chiz ka daawa to ajab hai

rakhne ko tabaddul ka bharam mur ke jo dekha

waisi hi thi duniya miri jaisi ke wo ab hai

duniya na ho firdaus par itna to hai danish

jaisi bhi hai duniya miri hasti ka sabab hai