بات سن اے چشم تر کچھ ہوش کر

بات سن اے چشم تر کچھ ہوش کر

ڈوب جائے گا یہ گھر کچھ ہوش کر

خود کشی ہی مسئلے کا حل ہے کیا

بام سے واپس اتر کچھ ہوش کر

دشت کی جانب چلا تو ہے مگر

سخت ہے یہ رہ گزر کچھ ہوش کر

اب کیا جذبات میں گر فیصلہ

روئے گا تو عمر بھر کچھ ہوش کر

مت پٹخ زنداں میں دیواروں پہ سر

خوں سے ہو جائیں گی تر کچھ ہوش کر

اپنی آزادی نہ دے صیاد کو

کاٹ کر خود اپنے پر کچھ ہوش کر

جس کو طاہرؔ تیری کچھ پروا نہیں

اس کی چوکھٹ پر نہ مر کچھ ہوش کر

bat sun ai chashm-e-tar kuchh hosh kar

dub jaega ye ghar kuchh hosh kar

khud kashi hi masale ka hal hai kya

bam se wapas utar kuchh hosh kar

dasht ki janib chala to hai magar

sakht hai ye rah guzar kuchh hosh kar

ab kiya jazbat mein gar faisla

roega to umr bhar kuchh hosh kar

mat patakh zindan mein diwaron pe sar

khun se ho jaengi tar kuchh hosh kar

apni azadi na de sayyad ko

kat kar khud apne par kuchh hosh kar

jis ko tahir teri kuchh parwa nahin

us ki chaukhat par na mar kuchh hosh kar