دھرتی بھی سینہ زن ہے کہ سچائی چھین لی

دھرتی بھی سینہ زن ہے کہ سچائی چھین لی

بارش کی جل ترنگ نے تنہائی چھین لی

نا بینا بیچتا ہے بصارت کو راہ میں

گونگے نے جب سے نطق پذیرائی چھین لی

ہم لوگ بھوک پیاس کی شدت نہ سہہ سکے

فاقوں نے ہم سے قوت گویائی چھین لی

یہ کس نے چاندنی کو سمیٹا ہے آنکھ میں

یہ کس نے سارے شہر کی بینائی چھین لی

میں گم تھا اپنے آپ میں اندرون خانہ قید

لیکن کسی کی یاد نے گہرائی چھین چھین لی

پانی پہ تیرتا رہا رنگوں کا رقص بھی

آب شفا تو مل گیا زیبائی چھین لی

اب کے مجھے ملا ہے محبت میں ایسا دکھ

چہرے سے جس نے دل کشی رعنائی چھین لی

اترا ہے ایسے آنکھ میں طاہرؔ یہ رتجگا

دلدل کو روند ڈالا گیا کائی چھین لی

dharti bhi sina zan hai ke sachchai chhin li

barish ki jal tarang ne tanhai chhin li

na bina bechta hai basarat ko rah mein

gunge ne jab se nutq pazirai chhin li

ham log bhuk pyas ki shiddat na sah sake

faqon ne ham se quwwat-e-goyai chhin li

ye kis ne chandni ko sameta hai ankh mein

ye kis ne sare shahr ki binai chhin li

main gum tha apne ap mein andarun-e-khana qaid

lekin kisi ki yad ne gahrai chhin chhin li

pani pe tairta raha rangon ka raqs bhi

ab-e-shifa to mil gaya zebai chhin li

ab ke mujhe mila hai mohabbat mein aisa dukh

chehre se jis ne dil kashi raanai chhin li

utra hai aise ankh mein tahir ye ratjaga

daldal ko rawind dala gaya kai chhin li