مجھ کو گلے لگا کے ہوئی زندگی خموش

مجھ کو گلے لگا کے ہوئی زندگی خموش

چپکے سے یوں حیات مری چل بسی خموش

قصے وصال کے تو کتابوں میں رہ گئے

پتوں پہ ہجر کی تھی کہانی وہی خموش

سہمے ہوئے شجر کی بھی سجدہ کشائی تھی

سجدہ کناں کو دیکھ کے مٹی ہوئی خموش

ہاں ہاں ارے وہی وہی ہے موت جس کا نام

لینے کو مجھ کو دوست مری آ گئی خموش

طاہرؔ کی پارسائی کا دعویٰ نہیں مجھے

دیوار و در پہ بیل کی نیکی اگی خموش

mujh ko gale laga ke hui zindagi khamosh

chupke se yun hayat miri chal basi khamosh

qisse wisal ke to kitabon mein rah gae

patton pe hijr ki thi kahani wahi khamosh

sahme hue shajar ki bhi sajda kushai thi

sajda kunan ko dekh ke mitti hui khamosh

han han are wahi wahi hai maut jis ka nam

lene ko mujh ko dost miri a gai khamosh

tahir ki parsai ka daawa nahin mujhe

diwar-o-dar pe bel ki neki ugi khamosh