لاکھوں دنوں کے بوجھ تلے غم رسیدہ لوگ

لاکھوں دنوں کے بوجھ تلے غم رسیدہ لوگ

اپنی تلاش میں ہیں رواں سر بریدہ لوگ

دھاگے خوشی کے اپنے بدن سے لپیٹ کر

زخموں کی بستیوں میں رہے آب دیدہ لوگ

بحران میرے اسم کو دے کر چلے گئے

جو میرے عہد میں تھے کبھی ناشنیدہ لوگ

پگھلا ہوا ہے ذہن تقاضوں کی دھوپ سے

محفل میں ہنس رہے ہیں مگر شب گزیدہ لوگ

اک عہد کے سفر میں انا بھی شریک تھی

لیکن اسے سمجھ نہ سکے بے عقیدہ لوگ

وہ میرے ہی خیال کے روشن نشان ہیں

لفظوں میں جو بیان ہوئے خط کشیدہ لوگ

میرے لہو کو چھین کے بازار میں بکے

تاجر مرے شعور کے طاہرؔ ندیدہ لوگ

lakhon dinon ke bojh tale gham rasida log

apni talash mein hain rawan sar burida log

dhage khushi ke apne badan se lapet kar

zakhmon ki bastiyon mein rahe ab dida log

bohran mere ism ko de kar chale gae

jo mere ahd mein the kabhi nashanida log

pighla hua hai zehn taqazon ki dhup se

mahfil mein hans rahe hain magar shab gazida log

ik ahd ke safar mein ana bhi sharik thi

lekin use samajh na sake be aqida log

wo mere hi khayal ke raushan nishan hain

lafzon mein jo bayan hue khat kashida log

mere lahu ko chhin ke bazar mein bike

tajir mire shuur ke tahir nadida log