ہاتھوں میں کشکول سوالی دھوپ نگر کے باسی

ہاتھوں میں کشکول سوالی دھوپ نگر کے باسی

سہہ لیتے ہیں سب کی گالی دھوپ نگر کے باسی

گلیوں میں جو بھٹک رہے ہیں اک روٹی کی خاطر

توڑیں گے وہ بھوک کی ڈالی دھوپ نگر کے باسی

جن کے پاس نہیں ہیں کپڑے تن کو ڈھانپنے خاطر

راتیں اوڑھتے ہیں وہ کالی دھوپ نگر کے باسی

اپنے خوابوں کی تعبیروں کو وہ پا لیتے ہیں

تیرے در کی چوم کے جالی دھوپ نگر کے باسی

اپنی دھن میں مست ہو رہتے اپنے گیت ہو گاتے

عشق میں کیسی راہ نکالی دھوپ نگر کے باسی

طاہرؔ وہ پوشیدہ رکھیں یا پھر ظاہر کر دیں

حالت ہے جو دیکھنے والی دھوپ نگر کے باسی

hathon mein kashkol sawali dhup nagar ke basi

sah lete hain sab ki gali dhup nagar ke basi

galiyon mein jo bhatak rahe hain ik roti ki khatir

torenge wo bhuk ki dali dhup nagar ke basi

jin ke pas nahin hain kapre tan ko dhanpne khatir

raten orhte hain wo kali dhup nagar ke basi

apne khwabon ki taabiron ko wo pa lete hain

tere dar ki chum ke jali dhup nagar ke basi

apni dhun mein mast ho rahte apne git ho gate

ishq mein kaisi rah nikali dhup nagar ke basi

tahir wo poshida rakhen ya phir zahir kar den

halat hai jo dekhne wali dhup nagar ke basi