اک غم کی کہانی ہے اوراق شکستہ پر

اک غم کی کہانی ہے اوراق شکستہ پر

اور دل کی زبانی ہے اوراق شکستہ پر

حال اپنا سنانا ہے اشعار کی صورت میں

یہ عمر گنوانی ہے اوراق شکستہ پر

تحریر پہ دھبوں کی صورت جو منقش ہے

وہ آنکھوں کا پانی ہے اوراق شکستہ پر

رکنا بھی اگر چاہوں مجھ سے نہ رکا جائے

یہ کیسی روانی ہے اوراق شکستہ پر

طاہرؔ مری آنکھوں میں پوشیدہ رہی ہے جو

مورت وہ بنانی ہے اوراق شکستہ پر

ik gham ki kahani hai auraq-e-shikasta par

aur dil ki zabani hai auraq-e-shikasta par

hal apna sunana hai ashar ki surat mein

ye umr ganwani hai auraq-e-shikasta par

tahrir pe dhabbon ki surat jo munaqqash hai

wo ankhon ka pani hai auraq-e-shikasta par

rukna bhi agar chahun mujh se na ruka jae

ye kaisi rawani hai auraq-e-shikasta par

tahir miri ankhon mein poshida rahi hai jo

murat wo banani hai auraq-e-shikasta par