موسموں کے شہر میں پانی کے گھر اگنے لگے

موسموں کے شہر میں پانی کے گھر اگنے لگے

چپ ہوا کی کوکھ سے تنہا سفر اگنے لگے

ہاتھ کی ریکھاؤں میں ساکت ہوئے معنی و حرف

انگلیوں کی پور پہ خوں کے شجر اگنے لگے

خواہشوں کی آگ میں جلتا بدن تپتا لہو

سوچتے جسموں کی شاخوں پر ہنر اگنے لگے

میری مٹی نے مجھے پہچان بخشی تھی مگر

آنکھ کی پتلی میں اجڑے خواب گھر اگنے لگے

زندگی کی دوڑ میں طاہرؔ اکیلا تو نہیں

وقت کی رفتار میں زخموں کے پر اگنے لگے

mausamon ke shahr mein pani ke ghar ugne lage

chup hawa ki kokh se tanha safar ugne lage

hath ki rekhaon mein sakit hue maani-o-harf

ungliyon ki por pe khun ke shajar ugne lage

khwahishon ki ag mein jalta badan tapta lahu

sochte jismon ki shakhon par hunar ugne lage

meri mitti ne mujhe pahchan bakhshi thi magar

ankh ki putli mein ujre khwab ghar ugne lage

zindagi ki daur mein tahir akela to nahin

waqt ki raftar mein zakhmon ke par ugne lage