یخ بستہ باغ میں کوئی تتلی حنوط تھی

یخ بستہ باغ میں کوئی تتلی حنوط تھی

پھولوں پہ میرے خواب کی مٹی حنوط تھی

شہزادیوں کے خواب ہوا نے چرا لئے

تعبیر میں بھی نیند کی سسکی حنوط تھی

اس کے ہدف تھے باعث شرمندگی اسے

اس کے ہر ایک تیر میں داسی حنوط تھی

لفظوں کو قید کر لیا اس کے حجاب نے

اوجھل نظر سے عرض کی دیوی حنوط تھی

ہر کوہ ایک قہر کی صورت دکھائی دے

ہر سنگ میں غریب کی بیٹی حنوط تھی

ٹپکا ہے خون شیلف سے طاہرؔ زمین پر

کس کس کتاب میں مری چٹھی حنوط تھی

yakh basta bagh mein koi titli hanut thi

phulon pe mere khwab ki mitti hanut thi

shahzadiyon ke khwab hawa ne chura liye

taabir mein bhi nind ki siski hanut thi

us ke hadaf the bais-e-sharmindagi use

us ke har ek tir mein dasi hanut thi

lafzon ko qaid kar liya us ke hijab ne

ojhal nazar se arz ki dewi hanut thi

har koh ek qahr ki surat dikhai de

har sang mein gharib ki beti hanut thi

tapka hai khun shelf se tahir zamin par

kis kis kitab mein miri chitthi hanut thi