آگ کے صفحے پہ نقش ما و من رہ جائے گا

آگ کے صفحے پہ نقش ما و من رہ جائے گا

راکھ میں سچائی کا زندہ بدن رہ جائے گا

حرف کی بارش تھمے تو دھند سے معنی اگیں

لکھنے والا آپ سے گزرے گا فن رہ جائے گا

خواہشوں کا مینہ ننگی آنکھ سے جب بہہ چکا

چیختا چنگھاڑتا پیچھے بدن رہ جائے گا

یوں خلا بازوں پہ برسیں گے شہاب ثاقب اب

جسم جل جائیں گے باقی پیرہن رہ جائے گا

جنڈ پر پھر سے کسی گھبرو کا ترکش رہ گیا

حشر کا میدان بن کے اب یہ بن رہ جائے گا

آگ کی دیوار پھاند آئے تو ہر منزل ہے سہل

سر کی منزل سے کہیں پیچھے کفن رہ جائے گا

ag ke safhe pe naqsh-e-ma-o-man rah jaega

rakh mein sachchai ka zinda badan rah jaega

harf ki barish thame to dhund se maani ugen

likhne wala ap se guzrega fan rah jaega

khwahishon ka menh nangi ankh se jab bah chuka

chikhta chingharta pichhe badan rah jaega

yun khala bazon pe barsenge shahab-e-saqib ab

jism jal jaenge baqi pairahan rah jaega

jand par phir se kisi ghbaro ka tarkash rah gaya

hashr ka maidan ban ke ab ye ban rah jaega

ag ki diwar phand ae to har manzil hai sahl

sar ki manzil se kahin pichhe kafan rah jaega