نشان‌ زخم پہ نشتر زنی جو ہونے لگی

نشان‌ زخم پہ نشتر زنی جو ہونے لگی

لہو میں ظلمت شب انگلیاں بھگونے لگی

ہوا وہ جشن کہ نیزے بلند ہونے لگے

نیام تیغ کی خنجر کے ساتھ سونے لگی

جہاں میں دوڑ کے پہنچا تھا وہ گھنیری چھاؤں

ذرا سی دیر میں زار و قطار رونے لگی

ندی ڈباؤ نہ تھی ڈوبنا پڑا لیکن

کنارے پہنچا تو شرمندگی ڈبونے لگی

سب اپنی پیاس بجھانے میں محو تھے ہمہ تن

ہوا یہ پھر کہ ہوا شعلہ خیز ہونے لگی

بڑھائے ہاتھ مدد کو دراز دستوں نے

تو اپنا بوجھ وہ چیونٹی کی طرح ڈھونے لگی

کچھ اور سرخ رو ہو کر اٹھے وہ مقتل سے

گھٹا بھی اٹھی تو دامن کے داغ دھونے لگی

وہ پیرزن جسے کانٹے نکالنے تھے خلشؔ

وہ ساحرہ کی طرح سوئیاں چبھونے لگی

nishan-e-zakhm pe nashtar zani jo hone lagi

lahu mein zulmat-e-shab ungliyan bhigone lagi

hawa wo jashn ke neze buland hone lage

niyam tegh ki khanjar ke sath sone lagi

jahan mein daur ke pahuncha tha wo ghaneri chhaon

zara si der mein zar-o-qatar rone lagi

nadi dubao na thi dubna para lekin

kinare pahuncha to sharmindagi dubone lagi

sab apni pyas bujhane mein mahw the hama tan

hawa ye phir ke hua shola khez hone lagi

barhae hath madad ko daraz daston ne

tu apna bojh wo chiyunti ki tarah dhone lagi

kuchh aur surkh ru ho kar uthe wo maqtal se

ghata bhi uthi to daman ke dagh dhone lagi

wo pirzan jise kante nikalne the khalish

wo sahira ki tarah suiyan chubhone lagi