چپ تھے جو بت سوال بہ لب بولنے لگے

چپ تھے جو بت سوال بہ لب بولنے لگے

ٹھہرو کہ قوس برق و لہب بولنے لگے

ویرانیوں میں ساز طرب بولنے لگے

جیسے لہو میں آب عنب بولنے لگے

اک رشتہ احتیاج کا سو روپ میں ملا

سو ہم بھی اب بہ‌ طرز طلب بولنے لگے

خاموش بے گناہی اکیلی کھڑی رہی

کچھ بولنے سے پہلے ہی سب بولنے لگے

پہلے تم اس موبائل کو بے رابطہ کرو

کم ظرف ہے نہ جانے یہ کب بولنے لگے

سر پیٹتا ہے ناطقہ حیراں ہے آگہی

پرزے مشین کے بھی ادب بولنے لگے

برہم تھے خواب نیند کی رتیلی اوس پر

اس پر ستم کہ طائر شب بولنے لگے

ہے وقت یا شعور یہ گزرا ہے جو ابھی

تم بھی خلشؔ زبان عجب بولنے لگے

chup the jo but sawal ba lab bolne lage

thahro ke qaus barq-o-lahab bolne lage

wiraniyon mein saz-e-tarab bolne lage

jaise lahu mein ab amb bolne lage

ik rishta ehtiyaj ka so rup mein mila

so ham bhi ab ba tarz-e-talab bolne lage

khamosh be gunahi akeli khari rahi

kuchh bolne se pahle hi sab bolne lage

pahle tum is mobail ko be rabta karo

kam zarf hai na jane ye kab bolne lage

sar pitta hai natiqa hairan hai agahi

purze mashin ke bhi adab bolne lage

barham the khwab nind ki ratyali os par

us par sitam ke tair-e-shab bolne lage

hai waqt ya shuur ye guzra hai jo abhi

tum bhi khalish zaban ajab bolne lage