خزاں کا کوئی وجود ہے نہ چمن میں رنگ بہار ہے

خزاں کا کوئی وجود ہے نہ چمن میں رنگ بہار ہے

جسے جانتا ہے تو کارواں وہ تری نظر کا غبار ہے

نہ جمال میں ہیں لطافتیں نہ لطافتوں میں ہے بے خودی

یہ جنون عشق کا بھوت ہے جو بشر کے سر پہ سوار ہے

مجھے بے نیاز الم نہ کر مجھے بے نصیب ستم نہ کر

مرے غم کی لذت جاوداں مری زندگی کی بہار ہے

یہ نہیں نشاط کا زمزمہ اسے گوش ہوش سے سن ذرا

مرے ساز دل کی صدا نہیں مری بے کسی کی پکار ہے

مجھے زندگی کی دعا نہ دے مجھے ایسی سخت سزا نہ دے

مجھے دیکھ آ کے قریب تر مرا ہر نفس مجھے بار ہے

ہے خبر اسیر رہا ہوئے ہیں فروغ دور بہار میں

چلو راجؔ ہم بھی چلے چلیں کہ چمن میں عرس بہار ہے

khizan ka koi wajud hai na chaman mein rang-e-bahar hai

jise janta hai to karwan wo tiri nazar ka ghubar hai

na jamal mein hain latafaten na latafaton mein hai be khudi

ye junun-e-ishq ka bhut hai jo bashar ke sar pe sawar hai

mujhe be niyaz alam na kar mujhe be nasib sitam na kar

mire gham ki lazzat-e-jawedan miri zindagi ki bahar hai

ye nahin nishat ka zamzama use gosh-e-hosh se sun zara

mire saz-e-dil ki sada nahin miri be kisi ki pukar hai

mujhe zindagi ki dua na de mujhe aisi sakht saza na de

mujhe dekh a ke qarib tar mira har nafas mujhe bar hai

hai khabar asir raha hue hain farogh daur-e-bahar mein

chalo raj ham bhi chale chalen ke chaman mein urs-e-bahar hai