فکر و خیال میں تمہیں لانے سے فائدہ

فکر و خیال میں تمہیں لانے سے فائدہ

خود اپنے گھر میں آگ لگانے سے فائدہ

بیٹھے بٹھائے جی کو جلانے سے فائدہ

تعمیر زندگی کو مٹانے سے فائدہ

فریاد و آہ نالہ و شیون فضول ہیں

شب کی خموشیوں کو جگانے سے فائدہ

پامال ہو چکے ہیں یہ انداز عاشقی

یوں سر کسی کے در پہ جھکانے سے فائدہ

اچھا نہیں ہے عشق میں خودداریوں کا خون

جو خود نہ آئے اس کو بلانے سے فائدہ

عشق اور خیال طعن زمانہ غلط غلط

آخر بتاؤ ہم کو زمانے سے فائدہ

اشکوں میں بہہ چکی ہے نگاہ جمال جو

اب بے نقاب سامنے آنے سے فائدہ

گر جاوداں نہیں ہے محبت تو اے ندیم

یہ خواب زر نگار دکھانے سے فائدہ

بہر سکوں میں ڈوب گئی موج اضطراب

ساحل پہ غم کا سوگ منانے سے فائدہ

میں بے وفا ہوں تم ہو وفادار ہاں درست

اے راجؔ اور بات بڑھانے سے فائدہ

fikr-o-khayal mein tumhen lane se faida

khud apne ghar mein ag lagane se faida

baithe bithae ji ko jalane se faida

taamir zindagi ko mitane se faida

fariyad-o-ah nala-o-shewan fuzul hain

shab ki khamoshiyon ko jagane se faida

pamal ho chuke hain ye andaz-e-ashiqi

yun sar kisi ke dar pe jhukane se faida

achchha nahin hai ishq mein khuddariyon ka khun

jo khud na ae us ko bulane se faida

ishq aur khayal taan zamana ghalat ghalat

akhir batao ham ko zamane se faida

ashkon mein bah chuki hai nigah-e-jamal jo

ab be naqab samne ane se faida

gar jawedan nahin hai mohabbat to ai nadim

ye khwab zar nigar dikhane se faida

bahr-e-sukun mein dub gai mauj-e-iztirab

sahil pe gham ka sog manane se faida

main be wafa hun tum ho wafadar han durust

ai raj aur bat barhane se faida