یہ روشن نگاہیں چمکدار چہرے

یہ روشن نگاہیں چمکدار چہرے

ہیں باطن کی رنگت کا اظہار چہرے

جھلک جن کی دیوانہ کر دے دلوں کو

وہ لاکھوں میں ہوتے ہیں دو چار چہرے

تمہیں کیا خبر اے فلک کے مکینو

زمیں پر ہیں کتنے مزے دار چہرے

وہی راج کرتے ہیں سب کے دلوں پر

بدن پر ہوں جن کے اثر دار چہرے

انہیں دیکھنا چاہتا ہی نہیں دل

مقابل جب آتے ہیں مکار چہرے

انہیں اپنے شعروں میں ڈھالا ہے حافظؔ

جو ہیں داد و تحسین کے حق دار چہرے

ye raushan nigahen chamakdar chehre

hain batin ki rangat ka izhar chehre

jhalak jin ki diwana kar de dilon ko

wo lakhon mein hote hain do char chehre

tumhen kya khabar ai falak ke makino

zamin par hain kitne maze dar chehre

wahi raj karte hain sab ke dilon par

badan par hun jin ke asar dar chehre

unhen dekhna chahta hi nahin dil

muqabil jab ate hain makkar chehre

unhen apne sheron mein dhala hai hafiz

jo hain dad-o-tahsin ke haq dar chehre