ہر اک ذرے سے ہے تابانیٔ شمس و قمر پیدا

ہر اک ذرے سے ہے تابانیٔ شمس و قمر پیدا

ہر اک آئینے سے ہے صورت آئینہ گر پیدا

زمانہ بند کر دیتا ہے جس پر اک در عشرت

تو اس کے واسطے کرتی ہے فطرت لاکھ در پیدا

گداؤں کی نظر میں خاک ہے توقیر سلطانی

فسون عشق کر دیتا ہے ذروں میں نظر پیدا

نہیں کچھ دور یہ بھی سورما قوموں کی فطرت سے

شکستیں کھا کے بھی کر لیتے ہیں فتح و ظفر پیدا

جنوں کو چاہئیں بے خوف و عالی ظرف دیوانے

ہر اک دیوار میں زنداں کی ہو سکتے ہیں در پیدا

حقیقت میں خزاں تعمیر ہے فصل بہاری کی

کہ درد سر سے ہوتی ہے دوائے درد سر پیدا

har ik zarre se hai tabani-e-shams-o-qamar paida

har ik aine se hai surat-e-aina gar paida

zamana band kar deta hai jis par ik dar-e-ishrat

to us ke waste karti hai fitrat lakh dar paida

gadaon ki nazar mein khak hai tauqir-e-sultani

fusun-e-ishq kar deta hai zarron mein nazar paida

nahin kuchh dur ye bhi surma qaumon ki fitrat se

shikasten kha ke bhi kar lete hain fath-o-zafar paida

junun ko chahiyen be khauf-o-ali zarf-e-diwane

har ik diwar mein zindan ki ho sakte hain dar paida

haqiqat mein khizan taamir hai fasl-e-bahari ki

ke dard-e-sar se hoti hai dawa-e-dard-e-sar paida