Arooz is now on the App Store, for iPhone and iPad. Download →

All poetry

کوئی پردہ میان عشق حائل ہو نہیں سکتا

Baldev Raaj (b. 1924)

کوئی پردہ میان عشق حائل ہو نہیں سکتا

یہ حد ہے تو بھی اب مد مقابل ہو نہیں سکتا

ترا عہد محبت ٹوٹ کر عہد محبت ہے

مگر دل ٹوٹ جاتا ہے تو پھر دل ہو نہیں سکتا

محبت میں پرستش کا مقام اونچا سہی لیکن

یہ غم انسان کی فطرت میں شامل ہو نہیں سکتا

مرے عزم سفر میں یہ ترا حسن سکون افزا

چراغ راہ بن سکتا ہے منزل ہو نہیں سکتا

گرایا ہے نظر کی اس بلندی سے مجھے تو نے

میں اب اپنی نگاہوں کے بھی قابل ہو نہیں سکتا