کٹ گئے ہم تو حبیبوں سے اجازت لے کر

کٹ گئے ہم تو حبیبوں سے اجازت لے کر

ہم سے ملتا ہے رقیبوں سے اجازت لے کر

نہیں چارہ تو ہے تہذیب اسی میں اے جاں

آج مر جائیں طبیبوں سے اجازت لے کر

ہم تو مرتے رہے شمشاد قدوں پر اکثر

کیا جئیں آج صلیبوں سے اجازت لے کر

تم نے پوچھا تو عنایت ہے تمہاری ورنہ

کون جاتا ہے غریبوں سے اجازت لے کر

زندگی کیوں ہے تو اب مل کے پشیماں ہم سے

تم کو آنا تھا نصیبوں سے اجازت لے کر

kat gae ham to habibon se ijazat le kar

ham se milta hai raqibon se ijazat le kar

nahin chara to hai tahzib isi mein ai jan

aj mar jaen tabibon se ijazat le kar

ham to marte rahe shamshad qadon par aksar

kya jiyen aj salibon se ijazat le kar

tum ne puchha to inayat hai tumhari warna

kaun jata hai gharibon se ijazat le kar

zindagi kyun hai to ab mil ke pasheman ham se

tum ko ana tha nasibon se ijazat le kar