ہم زمیں پر آسماں بن کر رہے

ہم زمیں پر آسماں بن کر رہے

بے زبانوں کی زباں بن کر رہے

جن کا کوئی گھر نہ تھا اور چھت نہ تھی

ان کے سر پر سائباں بن کر رہے

ہل جنہوں نے جوتے دہقاں کی طرح

سرحدوں پر وہ جواں بن کر رہے

ہم جہاں پر تھے وہاں پر عمر بھر

بانیٔ امن و اماں بن کر رہے

جن کے اندر گم ہوئیں ندیاں کئی

ہم وہ بحر بیکراں بن کر رہے

آج تو ان کا فضاؤں پر ہے راج

کل تلک جو سارباں بن کر رہے

نیک اولادوں کی خواہش ہے تو پھر

ماں سے کہہ دو وہ بھی ماں بن کر رہے

ham zamin par asman ban kar rahe

be zabanon ki zaban ban kar rahe

jin ka koi ghar na tha aur chhat na thi

un ke sar par saiban ban kar rahe

hal jinhon ne jote dehqan ki tarah

sarhadon par wo jawan ban kar rahe

ham jahan par the wahan par umr bhar

bani-e-amn-o-aman ban kar rahe

jin ke andar gum huin nadiyan kai

ham wo bahr-e-bekaran ban kar rahe

aj to un ka fazaon par hai raj

kal talak jo sarban ban kar rahe

nek auladon ki khwahish hai to phir

man se kah do wo bhi man ban kar rahe