تجھ کو دیکھا تو مری آنکھ نے دیکھا مجھ میں

تجھ کو دیکھا تو مری آنکھ نے دیکھا مجھ میں

جھلملاتا ہے کوئی پہلے ہی تجھ سا مجھ میں

ایک گرتے ہوئے ایواں کا بھروسا کیا ہے

بس اسی خوف سے وہ شخص نہ ٹھہرا مجھ میں

اتنا گہرا تھا کہ گہرائی مجھے لے ڈوبی

سب کناروں پہ رہے کوئی نہ اترا مجھ میں

بیٹھ جاتا ہے تھکا درد یہاں آ کے کبھی

یاد کیا ہے تری دیوار کا سایہ مجھ میں

گئے موسم کی کھلی دھوپ نہ یادوں پہ پڑے

برف پگھلے گی تو چڑھ جائیں گے دریا مجھ میں

tujh ko dekha to miri ankh ne dekha mujh mein

jhilmilata hai koi pahle hi tujh sa mujh mein

ek girte hue aiwan ka bharosa kya hai

bas isi khauf se wo shakhs na thahra mujh mein

itna gahra tha ke gahrai mujhe le dubi

sab kinaron pe rahe koi na utra mujh mein

baith jata hai thaka dard yahan a ke kabhi

yad kya hai tiri diwar ka saya mujh mein

gae mausam ki khuli dhup na yadon pe pare

barf pighlegi to charh jaenge dariya mujh mein