یہ حادثہ ہے مگر اس طرف ہوا بھی نہیں

یہ حادثہ ہے مگر اس طرف ہوا بھی نہیں

جدا ہوا بھی تو اس سے جو جانتا بھی نہیں

کبھی تو سوچ تجھے کتنا سوچتا ہوگا

وہ غم زدہ جو تری سمت دیکھتا بھی نہیں

یہ دل نے روٹھ کے کن مشکلوں میں ڈال دیا

اسی کو چاہنا اور اس سے بولنا بھی نہیں

ہمیں تو نیند میں سپنوں کی بھی مناہی ہے

دریچے بند بھی رکھنے ہیں جھانکنا بھی نہیں

نگہ کا گھر سے نکلنا تھا جرم پہلے ہی

اور اب یہ حکم ہوا ہے کہ سوچنا بھی نہیں

ye hadisa hai magar is taraf hua bhi nahin

juda hua bhi to us se jo janta bhi nahin

kabhi to soch tujhe kitna sochta hoga

wo gham zada jo tiri samt dekhta bhi nahin

ye dil ne ruth ke kin mushkilon mein dal diya

usi ko chahna aur us se bolna bhi nahin

hamen to nind mein sapnon ki bhi manahi hai

dariche band bhi rakhne hain jhankna bhi nahin

nigah ka ghar se nikalna tha jurm pahle hi

aur ab ye hukm hua hai ke sochna bhi nahin