دل کی باتیں ہیں یہ بوجھل نہ بناؤں اس کو

دل کی باتیں ہیں یہ بوجھل نہ بناؤں اس کو

مصلحت یہ ہے کہ کچھ بھی نہ بتاؤں اس کو

شہر میں جا کے کہوں کس سے برا حال اپنا

کوئی اپنا ہو تو احوال سناؤں اس کو

آ بسیں دل میں بھی روزی کی تمنائیں اب

اب کہاں جاؤں کہ دنیا سے چھپاؤں اس کو

ہر گلی کوچۂ قاتل ہے دل ایذا طلب

کوئی مشکل ہو تو آسان بناؤں اس کو

لمس ممکن نہیں شعلے کا بنا خاک ہوئے

پھول ہو صرف تو سینے سے لگاؤں اس کو

dil ki baten hain ye bojhal na banaun us ko

maslahat ye hai ke kuchh bhi na bataun us ko

shahr mein ja ke kahun kis se bura hal apna

koi apna ho to ahwal sunaun us ko

a basen dil mein bhi rozi ki tamannaen ab

ab kahan jaun ke duniya se chhupaun us ko

har gali kucha-e-qatil hai dil iza-e-talab

koi mushkil ho to asan banaun us ko

lams mumkin nahin shole ka bana khak hue

phul ho sirf to sine se lagaun us ko